Germaniya chempionati doirasidagi o‘yinda Dortmundning "Borussiya" klubi "Frayburg" bilan 1:1 hisobida durang o‘ynadi. Ushbu o‘yin haqida "asalarilar" ustozi Niko Kovach o‘z fikrlari bilan o‘rtoqlashdi.
"Jamoa deyarli to‘liq ikkinchi bo‘limni bir kishi kam bo‘lib o‘tkazdi. Bizga yaxshi raqib qarshilik ko‘rsatdi, shuning uchun bu natijani qabul qilamiz. Biz o‘z hayotimizni o‘zimiz murakkablashtirdik. Qizil kartochka sabab uch ochkodan mahrum bo‘ldik. O‘n kishi bo‘lib uzoq vaqt o‘ynash juda og‘ir," - deya mutaxassisning so‘zlarini keltiradi nemis klubi matbuot xizmati.
Eslatib o‘tamiz, "Borussiya" ikkinchi bo‘lim boshida angliyalik yarim himoyachi Job Bellingemning chetlatilishidan keyin bir kishi kam bo‘lib o‘ynadi.
