Германия чемпионати доирасидаги ўйинда Дортмунднинг "Боруссия" клуби "Фрайбург" билан 1:1 ҳисобида дуранг ўйнади. Ушбу ўйин ҳақида "асаларилар" устози Нико Ковач ўз фикрлари билан ўртоқлашди.
"Жамоа деярли тўлиқ иккинчи бўлимни бир киши кам бўлиб ўтказди. Бизга яхши рақиб қаршилик кўрсатди, шунинг учун бу натижани қабул қиламиз. Биз ўз ҳаётимизни ўзимиз мураккаблаштирдик. Қизил карточка сабаб уч очкодан маҳрум бўлдик. Ўн киши бўлиб узоқ вақт ўйнаш жуда оғир," - дея мутахассиснинг сўзларини келтиради немис клуби матбуот хизмати.
Эслатиб ўтамиз, "Боруссия" иккинчи бўлим бошида англиялик ярим ҳимоячи Жоб Беллингемнинг четлатилишидан кейин бир киши кам бўлиб ўйнади.
