"Roma" sport direktori Frederik Massara hujumchi Evan Fergyuson bilan to‘laqonli shartnoma imzolanishi mumkinligi haqidagi ma’lumotga izoh berdi.
"Bu haqda gapirishga hali juda erta. Evanning ahvoli yaxshiligidan xursandmiz, u biz bilgan darajaga qaytmoqda. Jismoniy tayyorgarlik bilan bog‘liq ba’zi muammolar uni to‘xtatib turdi, shuning uchun unga barqarorlik kerak. "Seltik" bilan o‘yinda u juda yaxshi harakat qildi va umid qilamizki, u bu o‘yinini davom ettiradi," - deya Massaraning so‘zlarini keltiradi Sky Sport.
21 yoshli irlandiyalik futbolchi "Roma" tomonidan "Brayton"dan 2026 yilning 30 iyuniga qadar ijaraga olingan. Hujumchi 2025/26 yilgi mavsumda barcha musobaqalarda 15 ta o‘yinda maydonga tushib, uchta gol urdi va bitta golli uzatmani amalga oshirdi.
Transfermarkt portali futbolchining transfer qiymatini 25 million yevroga baholagan.
Evan Fergyuson rimliklar safida hamyurtimiz Eldor Shomurodov o‘rnini egallagan.













