"Рома" спорт директори Фредерик Массара ҳужумчи Эван Фергюсон билан тўлақонли шартнома имзоланиши мумкинлиги ҳақидаги маълумотга изоҳ берди.
"Бу ҳақда гапиришга ҳали жуда эрта. Эваннинг аҳволи яхшилигидан хурсандмиз, у биз билган даражага қайтмоқда. Жисмоний тайёргарлик билан боғлиқ баъзи муаммолар уни тўхтатиб турди, шунинг учун унга барқарорлик керак. "Селтик" билан ўйинда у жуда яхши ҳаракат қилди ва умид қиламизки, у бу ўйинини давом эттиради," - дея Массаранинг сўзларини келтиради Sky Sport.
21 ёшли ирландиялик футболчи "Рома" томонидан "Брайтон"дан 2026 йилнинг 30 июнига қадар ижарага олинган. Ҳужумчи 2025/26 йилги мавсумда барча мусобақаларда 15 та ўйинда майдонга тушиб, учта гол урди ва битта голли узатмани амалга оширди.
Transfermarkt портали футболчининг трансфер қийматини 25 миллион еврога баҳолаган.
Эван Фергюсон римликлар сафида ҳамюртимиз Элдор Шомуродов ўрнини эгаллаган.
