"Manchester Yunayted" "Sporting" himoyachisi Maksimiliano Arauxoning xizmatlariga qiziqish bildirmoqda. Bu haqda TEAMtalk xabar berdi.
Ingliz klubi skautlari futbolchini muntazam kuzatib bordi. Arauxo ko‘pincha chap qanot himoyachisi sifatida o‘ynaydi, lekin vinger sifatida ham o‘ynashi mumkin. Futbolchining "Sporting" bilan mehnat shartnomasi 2029 yil iyunigacha mo‘ljallangan, bu esa portugal klubiga uning xizmatlari uchun katta miqdorda pul talab qilish imkonini beradi. Transfermarkt portali futbolchining narxini 17 mln yevroga baholamoqda.
Maksimiliano Arauxo bu mavsumda "Sporting" safida 18 ta o‘yin o‘tkazdi. Ularda himoyachi uchta gol urdi va bitta golli uzatmani amalga oshirdi.













