"Манчестер Юнайтед" "Спортинг" ҳимоячиси Максимилиано Араухонинг хизматларига қизиқиш билдирмоқда. Бу ҳақда TEAMtalk хабар берди.
Инглиз клуби скаутлари футболчини мунтазам кузатиб борди. Араухо кўпинча чап қанот ҳимоячиси сифатида ўйнайди, лекин вингер сифатида ҳам ўйнаши мумкин. Футболчининг "Спортинг" билан меҳнат шартномаси 2029 йил июнигача мўлжалланган, бу эса португал клубига унинг хизматлари учун катта миқдорда пул талаб қилиш имконини беради. Transfermarkt портали футболчининг нархини 17 млн еврога баҳоламоқда.
Максимилиано Араухо бу мавсумда "Спортинг" сафида 18 та ўйин ўтказди. Уларда ҳимоячи учта гол урди ва битта голли узатмани амалга оширди.
