Yengil vazn toifasida (70 kg gacha) UFC chempionligiga ikki karra da’vogar amerikalik Jastin Getji 25 yanvar kuni Las-Vegasda (AQSH) bo‘lib o‘tadigan UFC 324 musobaqasida britaniyalik Peddi Pimblettga qarshi vaqtinchalik kamar uchun bo‘lib o‘tadigan jang haqida gapirdi.
"Men bu imkoniyatdan juda xursandman. Buni faoliyatimning boshlanishi deb o‘ylash ahmoqlik bo‘lardi. Bu mening so‘nggi imkoniyatim, faoliyatimni o‘zim xohlagandek yakunlashim uchun imkoniyat. Orzu qilish mumkin bo‘lgan narsa shu edi. Vaqtinchalik unvon uchun Peddi bilan jang qilaman. Agar g‘alaba qozonsam, Iliya Topuriya bilan jang o‘tkazaman", - dedi Getji YouTube’dagi kanalida e’lon qilingan videoda.













