"Manchester Yunayted" rahbariyati jamoa yarim himoyachisi Brunu Fernandeshning klub o‘tgan yozda u bilan xayrlashishga tayyor bo‘lgani haqidagi so‘zlarini tasdiqlamadi.
Avvalroq, portugaliyalik uning ketishi klub uchun muammo tug‘dirmasligini his qilganini, bunday signallar unga ta’sir qilganini aytgandi. Ammo "Yunayted" ichidagi manbalar rahbariyatning pozisiyasi boshqacha bo‘lganini ta’kidlamoqda. Jurnalist Ben Jeykobsning yozishicha, klub Fernandeshni sotish haqida o‘ylamagan va dastlab hamkorlikni davom ettirishga qaror qilgan.
Qayd etilishicha, yarim himoyachiga haqiqatan ham Saudiya Arabistonining "Al-Hilol" klubi qiziqish bildirgan, ammo "MYU" jamoaning asosiy o‘yinchilaridan birini qo‘yib yubormasligini ma’lum qilgan. Fernandesh hali ham klubning uzoq muddatli loyihasida muhim shaxs sifatida ko‘rilmoqda.
