"Манчестер Юнайтед" раҳбарияти жамоа ярим ҳимоячиси Бруну Фернандешнинг клуб ўтган ёзда у билан хайрлашишга тайёр бўлгани ҳақидаги сўзларини тасдиқламади.
Аввалроқ, португалиялик унинг кетиши клуб учун муаммо туғдирмаслигини ҳис қилганини, бундай сигналлар унга таъсир қилганини айтганди. Аммо "Юнайтед" ичидаги манбалар раҳбариятнинг позицияси бошқача бўлганини таъкидламоқда. Журналист Бен Жейкобснинг ёзишича, клуб Фернандешни сотиш ҳақида ўйламаган ва дастлаб ҳамкорликни давом эттиришга қарор қилган.
Қайд этилишича, ярим ҳимоячига ҳақиқатан ҳам Саудия Арабистонининг "Ал-Ҳилол" клуби қизиқиш билдирган, аммо "МЮ" жамоанинг асосий ўйинчиларидан бирини қўйиб юбормаслигини маълум қилган. Фернандеш ҳали ҳам клубнинг узоқ муддатли лойиҳасида муҳим шахс сифатида кўрилмоқда.
