Milanning "Inter" klubi markaziy himoyachisi Stefan de Vreyning kelajagi mavhumligicha qolmoqda.
Niderlandiyalik futbolchining amaldagi shartnomasi muddati joriy mavsum yakunlangach yakuniga yetadi. Taniqli insayder Nikolo Skiraning ma’lum qilishicha, tomonlarning muzokaralari muvaffaqiyatga olib kelmagan - hozirda muhokamalar muzlatib qo‘yilgan. Futbolchining keyingi yozda ketish ehtimoli ancha yuqori.
Fevral oyida Stefan de Vrey 34 yoshga to‘ladi. Tajribali markaziy himoyachi joriy mavsumda "neradzurrilar"ning yettita o‘yinida ishtirok etdi, oltita holatda Kristian Kivu uni dastlabki daqiqalardanoq maydonga tushirdi.
Juma kuni "Inter" Italiya Superkubogi yarim finalida "Bolonya"ga qarshi bahs olib boradi.













