Миланнинг "Интер" клуби марказий ҳимоячиси Стефан де Врейнинг келажаги мавҳумлигича қолмоқда.

Нидерландиялик футболчининг амалдаги шартномаси муддати жорий мавсум якунлангач якунига етади. Таниқли инсайдер Николо Скиранинг маълум қилишича, томонларнинг музокаралари муваффақиятга олиб келмаган - ҳозирда муҳокамалар музлатиб қўйилган. Футболчининг кейинги ёзда кетиш эҳтимоли анча юқори.

Февраль ойида Стефан де Врей 34 ёшга тўлади. Тажрибали марказий ҳимоячи жорий мавсумда "нерадзуррилар"нинг еттита ўйинида иштирок этди, олтита ҳолатда Кристиан Киву уни дастлабки дақиқаларданоқ майдонга туширди.

Жума куни "Интер" Италия Суперкубоги ярим финалида "Болонья"га қарши баҳс олиб боради.