"Liverpul"ning universal yarim himoyachisi Dominik Soboslai uzoq muddatga safdan chiqdi. Bu haqda jurnalist Jeyms Pirs xabar bermoqda.
Manba bergan ma’lumotga ko‘ra, 25 yoshli vengerga tizza osti payining shikastlanishi tashxisi qo‘yilgan. Futbolchining maydonga qaytishi 2026 yilning fevralidan oldin bo‘lmasligi kutilmoqda.
Soboslai Angliya chempionatining 16-turidan o‘rin olgan "Brayton"ga (2:0) qarshi bahsda jarohat oldi. Avvaliga xavbek o‘yinga qaytishga urinib ko‘rdi, biroq biroz vaqt o‘tgach, baribir zaxiraga olindi.
Joriy mavsumda Soboslai barcha musobaqalarda 23ta o‘yinda maydonga tushib, beshta gol urdi va beshta golli uzatmani o‘z hisobiga yozdirib qo‘ydi.
