"Ливерпул"нинг универсал ярим ҳимоячиси Доминик Собослаи узоқ муддатга сафдан чиқди. Бу ҳақда журналист Жеймс Пирс хабар бермоқда.
Манба берган маълумотга кўра, 25 ёшли венгерга тизза ости пайининг шикастланиши ташхиси қўйилган. Футболчининг майдонга қайтиши 2026 йилнинг февралидан олдин бўлмаслиги кутилмоқда.
Собослаи Англия чемпионатининг 16-туридан ўрин олган "Брайтон"га (2:0) қарши баҳсда жароҳат олди. Аввалига хавбек ўйинга қайтишга уриниб кўрди, бироқ бироз вақт ўтгач, барибир захирага олинди.
Жорий мавсумда Собослаи барча мусобақаларда 23та ўйинда майдонга тушиб, бешта гол урди ва бешта голли узатмани ўз ҳисобига ёздириб қўйди.
