"Atletiko Madrid" bosh murabbiyi Diyego Simeone Ispaniya kubogining 1/16 finalidan o‘rin olgan "Atletiko Baleares"ga qarshi o‘yin natijalarini sarhisob qildi. Mamlakatning kuchli to‘rtinchi ligasi vakili bilan o‘yin uning jamoasining 3:2 hisobidagi g‘alabasi bilan yakunlandi, raqiblar 2 ta penaltidan 1 tasini golga aylantira olmadi.

"Men Xuan Musso uchun juda xursandman, u juda tirishqoqlik bilan ishlaydi, jamoada o‘zini ko‘rsatish uchun o‘z vaqtini kutadi. Bu muhim kun bo‘ldi, u 2 yoki 3 ta juda yaxshi seyv qildi," - deya Simeonening so‘zlarini keltiradi The in Calderon.

"Birinchi bo‘limda hisob 2:0 bo‘lganida, biz o‘yinni yaxshi nazorat qildik, bizda gol urish imkoniyati bor edi, keyin esa hisob 2:1 bo‘ldi," - dedi Simeone o‘yinning tez o‘zgaruvchan dinamikasiga izoh berib.

"Ikkinchi bo‘limda raqibda hisobni tenglashtirish uchun 2ta juda yaxshi imkoniyat bo‘ldi, ammo yakunda 3:1. Birinchi penalti to‘g‘ri belgilangan bo‘lgan bo‘lishi mumkin, lekin ikkinchisini haqli deb o‘ylamayman. Menga jamoaning munosabati, fidoyiligi yoqdi."