"Barselona" klubi prezidenti Joan Laporta hujumkor yarim himoyachi Dani Olmo haqida fikr bildirdi.

Kataloniya grandi futbolchini 2024 yilning yozida "RB Leypsig"dan sotib olgan edi. Yevropa chempionini darhol ro‘yxatdan o‘tkazishning iloji bo‘lmadi. Faqatgina sport sudining aralashuvi "ko‘k-anorranglilar"ga yulduz ispaniyalikni ro‘yxatdan o‘tkazish imkonini berdi.

"Biz Olmo uchun qattiq kurashdik, chunki bizga uning futbolchi sifatlari va fidoyiligi kerak edi, biz uning uyga qaytish istagini bilardik. Bu ziddiyatli xarid bo‘lib, ko‘plab to‘siqlar bilan bog‘liq edi va ba’zi odamlar bitim amalga oshishini aniq xohlamadilar. Bu qiyinchiliklarning barchasi Danining "Barselona" bilan aloqasini yanada mustahkamladi. Biz undan juda minnatdormiz," - deya Laportaning so‘zlarini keltiradi Managing Barca.

Olmo joriy mavsumda 17 ta o‘yinda 4 ta gol va 2 ta golli uzatmaga mualliflik qildi.