"Barselona"ning germaniyalik darvozaboni Mark-Andre ter Shtegen OAV uchun klub ichki ma’lumotlarining asosiy yetkazib beruvchisi bo‘lishi mumkin. Bu haqda jurnalist Rafael Ernandes xabar bermoqda.
Avvalroq, "Barselona" bosh murabbiyi Xans-Diter Flik jamoa kiyinish xonasida "ko‘rsichqon"ni aniqlagani haqida xabarlar tarqalgan edi. Biroq uning aniq ismi ko‘rsatilmagan.
Ter Shtegen "ko‘k-anorranglilar" safida 2014 yildan buyon to‘p surib kelmoqda. Joriy mavsumda 33 yoshli germaniyalik futbolchi Ispaniya Kubogida atigi bitta o‘yin o‘tkazdi, chunki birinchi qismning deyarli hammasini navbatdagi og‘ir jarohatidan tiklanishga sarfladi.
21 dekabr kuni "Barselona" safarda "Vilyarreal" mehmoni bo‘ladi.













