"Al-Hilol"ning portugaliyalik yarim himoyachisi Ruben Neveshga "Vest Xem Yunayted" qiziqish bildirmoqda. Bu haqda TEAMtalk xabar bermoqda.

Manbaga ko‘ra, londonliklarning futbolchiga qiziqishi Nevesh bilan "Portu" va "Vulverxempton"da birga ishlagan jamoa bosh murabbiyi Nunu Eshpiritu Santuning shaxsiy tashabbusidir. "Bolg‘achilar" bu kelishuvni amalga oshirish moliyaviy jihatdan oson bo‘lmasligini, jamoaning hozirgi turnir jadvalidagi holati ham bu boradagi ishlarni murakkablashtirishi mumkinligini tushunib turibdi. Top-5ga kiruvchi boshqa ligalar klublari ham vaziyatni kuzatib bormoqda, ammo xavbek uchun Angliya Premyer-ligasiga qaytish ustuvor variant.

Ayni paytda "Vest Xem Yunayted" Angliya chempionati turnir jadvalida 18-o‘rinda bormoqda.