«Bavariya» hujumchisi Xarri Keyn myunxenliklar safida to‘p surayotgan yosh yarimhimoyachi Lenart Karlning o‘yini haqida fikr bildirdi.

«Menimcha, Lenni bizga juda yaxshi yordam beryapti. Ayniqsa, qiyin vaziyatlarda uning kuchli tomonlarini ko‘rish mumkin. U jamoaga qo‘shilganidan beri bizga katta foyda beryapti, chunki ko‘p hollarda past blokda yoki 5-4-1 sxemasida o‘ynaydigan, orqaga chekinib, harakat qilishimizni qiyinlashtiradigan jamoalarga qarshi bahs olib boramiz. Lenni juda tezkor, to‘pni yaxshi nazorat qiladi va himoyachini yakkama-yakkada vaziyatda aldab o‘ta oladi, shuning uchun u bo‘sh hududlarni ochishga yordam beradi. To‘psiz holatda ham u ajoyib ishlaydi. Bu yerda qanday mashq qilayotganimizni va qanday murabbiyimiz borligini hisobga olsak, u unga nimadir yetishmay qolishiga yo‘l qo‘ymaydi, deb o‘ylayman. U o‘rganib, jamoaga yordam berishga intilayotgani juda yaxshi, shuning uchun bizga juda kerak. U ancha xotirjam yigit, bu esa tabiiy, chunki u atigi 17 yoshda», — deya Keynning so‘zlarini keltiradi Bundesliga.com.