«Бавария» ҳужумчиси Харри Кейн мюнхенликлар сафида тўп сураётган ёш яримҳимоячи Ленарт Карлнинг ўйини ҳақида фикр билдирди.

«Менимча, Ленни бизга жуда яхши ёрдам беряпти. Айниқса, қийин вазиятларда унинг кучли томонларини кўриш мумкин. У жамоага қўшилганидан бери бизга катта фойда беряпти, чунки кўп ҳолларда паст блокда ёки 5-4-1 схемасида ўйнайдиган, орқага чекиниб, ҳаракат қилишимизни қийинлаштирадиган жамоаларга қарши баҳс олиб борамиз. Ленни жуда тезкор, тўпни яхши назорат қилади ва ҳимоячини яккама-яккада вазиятда алдаб ўта олади, шунинг учун у бўш ҳудудларни очишга ёрдам беради. Тўпсиз ҳолатда ҳам у ажойиб ишлайди. Бу ерда қандай машқ қилаётганимизни ва қандай мураббийимиз борлигини ҳисобга олсак, у унга нимадир етишмай қолишига йўл қўймайди, деб ўйлайман. У ўрганиб, жамоага ёрдам беришга интилаётгани жуда яхши, шунинг учун бизга жуда керак. У анча хотиржам йигит, бу эса табиий, чунки у атиги 17 ёшда», — дея Кейннинг сўзларини келтиради Bundesliga.com.