Tajribali yarim himoyachi Quvondiq Ro‘ziyev "Navbahor" bilan shartnoma imzoladi. Bu haqda klub matbuot xizmati xabar berdi.
Quvondiq Ro‘ziyev – 1994 yil, 6 oktyabrda Surxondaryo viloyatining Jarqo‘rg‘on tumanida tug‘ilgan.
Futbolchilik faoliyati davomida “Lokomotiv” (Toshkent, 2014, 2016 yillar, 2017 yilning 1-davrasi), “Qo‘qon-1912” (Qo‘qon, 2015 yil, 2017 yilning – 2-davrasi, 2018-2020 yillar, 2022 yil), “Navbahor” (Namangan, 2021 yil), “Turon” (Yaypan, 2023 yilning 1-davrasi), “Pahang” (Malayziya, 2023-2024 yillar), “Neftchi” (Farg‘ona, 2024 yilning 2-davrasi – 2025 yil) jamoalarida to‘p surgan.
Yutuqlari: Oltin medal sohibi (2016, 2025 yillar), kumush medal sohibi (2014 yil), O‘zbekiston kubogi sohibi (2014, 2016 yillar).
Shuningdek, 2019 yildan buyon O‘zbekiston milliy terma jamoasiga nomzod futbolchi va bosh jamoamiz tarkibida 6 ta o‘yinda maydonga tushgan.
Yakunlangan mavsumda farg‘onaliklar safida Superliga hamda O‘zbekiston kubogi bahslarida jami 30 ta o‘yinda maydonga tushib, 1288 daqiqa harakat qilgan holda, 3 ta golga assistentlik qildi va
“Neftchi”ning uzoq yillik tanaffusdan so‘ng, yakunlangan mavsumdagi chempionligiga munosib hissasini qo‘shdi.
Tajribali yarim himoyachi 4 yillik tanaffusdan so‘ng, yana namanganliklar safiga qaytdi.
