Hujumchi Vinisius Junior "Real" safida so‘nggi marta 4 oktyabr kuni gol urgan edi.
Juma kuni bo‘lib o‘tgan matbuot anjumanida Madrid bosh murabbiyi Xabi Alonso yulduz braziliyalikning yomon o‘yini haqida fikr bildirdi.
"Vinisiusning ahvoli vaqt masalasidir. Uning gol urishiga shubham yo‘q. Umid qilamanki, bu ertaga amalga oshadi", dedi Alonso jurnalistlarga.
20 dekabr, shanba kuni "Real" La Ligada "Sevilya"ga qarshi o‘z uyida o‘ynaydi. O‘yin Toshkent vaqti bilan soat 01:00 da boshlanadi. Bu Madrid jamoasining 2025 yildagi so‘nggi o‘yini bo‘ladi.













