Ҳужумчи Винисиус Жуниор "Реал" сафида сўнгги марта 4 октябрь куни гол урган эди.
Жума куни бўлиб ўтган матбуот анжуманида Мадрид бош мураббийи Хаби Алонсо юлдуз бразилияликнинг ёмон ўйини ҳақида фикр билдирди.
"Винисиуснинг аҳволи вақт масаласидир. Унинг гол уришига шубҳам йўқ. Умид қиламанки, бу эртага амалга ошади", деди Алонсо журналистларга.
20 декабрь, шанба куни "Реал" Ла Лигада "Севилья"га қарши ўз уйида ўйнайди. Ўйин Тошкент вақти билан соат 01:00 да бошланади. Бу Мадрид жамоасининг 2025 йилдаги сўнгги ўйини бўлади.













