"Chelsi" bosh murabbiyi Enso Mareska klub bilan shartnoma uzaytirilishi haqidagi ma’lumotlarga izoh berdi.

"Agar klub menga yangi shartnoma taklif qilsa-chi? Bu savolni klubga berish kerak, yangi shartnomaga loyiqmanmi yo‘qmi," - deya Mareskaning so‘zlarini keltiradi jurnalist Fabrisio Romano.

45 yoshli italiyalik mutaxassis 2024 yilning yozidan buyon "Chelsi"ni boshqarib kelmoqda. Uning qo‘l ostida "ko‘klar" 89 ta o‘yin o‘tkazgan: 55 ta g‘alaba, 14 ta durang va 20 ta mag‘lubiyat.

"Chelsi" bu mavsumda 28 ochko jamg‘arib, APL turnir jadvalida 4-o‘rinda bormoqda.