"Inter" bosh murabbiyi Kristian Kivu Italiya Superkubogi yarim finalida "Bolonya"dan uchralgan mag‘lubiyat (1:1, penaltilar - 2:3) haqida fikr bildirdi.

"O‘yindan keyingi penaltilar har doim lotereya bo‘lgan va shunday bo‘lib qoladi. Bular murabbiy oldindan ko‘ra olmaydigan narsalar. Ammo shuni aytmoqchimanki, jamoaga e’tirozim yo‘q, chunki ular sifatli va shiddatli o‘ynashdi, men har doim buni ko‘rishni istayman," - deya Kivuning so‘zlarini keltiradi fcinter1908.it.

Endi Italiya Superkubogi finalida "Bolonya" "Napoli"ga qarshi bahs olib boradi.