Fransiyaning "Lans" klubi tobora o‘sib bormoqda, ayni damda klub Fransiya chempionati turnir jadvalida peshqadamlik qilmoqda, shuningdek, mamlakat kubogining keyingi bosqichiga yo‘l oldi.

Bu "Feni-Olnua" ustidan qozonilgan 3:1 hisobidagi g‘alabadan keyin sodir bo‘ldi. Endilikda "Lans"ning g‘alabali seriyasi ketma-ket yettita o‘yinni tashkil etmoqda. Bu shu paytgacha ikki marta qayd etilgan klub rekordining takrorlanishi bo‘ldi.

Dastlab, 1998 yil bahorida "Lans" Fransiya chempioni bo‘lganida, klub barcha turnirlarda ketma-ket yettita g‘alabaga erishgan.

Keyin u 2022/2023 yilgi mavsum oxirida takrorlandi.