"Barselona" markaziy himoyachisi Andreas Kristensen klubda qolishni istamoqda.
Daniyalik futbolchining amaldagi shartnomasi mavsum yakunlangach o‘z nihoyasiga yetadi. 29 yoshli futbolchi o‘ziga yangi shartnoma taklif qilinishiga umid qilmoqda va "ko‘k-anorranglilar" safida o‘ynashni davom ettirish uchun astronomik summalardan voz kechishga tayyor, deb yozadi jurnalist Rojer Torelyo. Shu bilan birga, manbaning aniqlik kiritishicha, Kristensen "Barsa"ga mavsumning qolgan o‘yinlarida o‘zining munosibligini isbotlashi kerakligini tushunadi.
Ispaniya kubogida "Deportivo Gvadalaxara"ga qarshi kechgan bahsda futbolchi joriy mavsumdagi ilk golini urdi. Umumiy hisobda u 17 marta maydonga tushgan.
Kristensenga Saudiya Arabistoni chempionati vakillari qiziqish bildirmoqda.
