"Nyukasl" bosh murabbiyi Eddi Xau APL o‘n yettinchi turidan o‘rin olgan "Chelsi"ga qarshi o‘yinga bag‘ishlangan matbuot anjumanida ishtirok etdi.

Uchrashuv 20 dekabr kuni Toshkent vaqti bilan soat 17:30 da boshlanadi.

Xau "Chelsi"ning kelajakda jamoaga foyda keltiradigan transfer siyosatini yuqori baholadi.

"So‘nggi mavsumlarda "Chelsi"da ko‘plab o‘zgarishlar bo‘ldi. Ular o‘z tarkiblarini sezilarli darajada yoshartirishdi. O‘ylaymanki, uzoq muddatli istiqbolda ular bundan albatta foyda ko‘radi", - deya Xauning so‘zlarini keltiradi BBC.

"Ularda juda yaxshi murabbiy, o‘yin uslubi va jamoa bor. Tiklanish uchun vaqtimiz kam bo‘ldi, ammo bu o‘yinni intiqlik bilan kutmoqdamiz", - deya qo‘shimcha qildi mutaxassis.