"Ньюкасл" бош мураббийи Эдди Хау АПЛ ўн еттинчи туридан ўрин олган "Челси"га қарши ўйинга бағишланган матбуот анжуманида иштирок этди.
Учрашув 20 декабрь куни Тошкент вақти билан соат 17:30 да бошланади.
Хау "Челси"нинг келажакда жамоага фойда келтирадиган трансфер сиёсатини юқори баҳолади.
"Сўнгги мавсумларда "Челси"да кўплаб ўзгаришлар бўлди. Улар ўз таркибларини сезиларли даражада ёшартиришди. Ўйлайманки, узоқ муддатли истиқболда улар бундан албатта фойда кўради", - дея Хаунинг сўзларини келтиради BBC.
"Уларда жуда яхши мураббий, ўйин услуби ва жамоа бор. Тикланиш учун вақтимиз кам бўлди, аммо бу ўйинни интиқлик билан кутмоқдамиз", - дея қўшимча қилди мутахассис.
