Hujumkor yarim himoyachi Klaudio Echeverri "Bayer"dagi muvaffaqiyatsiz ijarasidan so‘ng muddatidan avval "Manchester Siti"ga qaytmoqda. Buni Leverkuzen jamoasi bosh murabbiyi Kasper Yulmann tasdiqladi.
"Biz "Manchester Siti" bilan birgalikda Echeverrini Angliyaga qaytarishga qaror qildik. Shuning uchun u o‘yin qaydnomasida yo‘q. Klaudio - ajoyib futbolchi, ammo bizda bu pozisiyada juda ko‘p futbolchilar bor. Hammaga o‘yin vaqtini berish qiyin", - dedi Yulmann jurnalistlarga matbuot anjumanida.
Klaudio Echeverri "Bayer"ning 11 o‘yinida maydonga tushgan. Shu bilan birga, faqat uchta holatda argentinalik futbolchi dastlabki daqiqalardan harakat qilgan.
