Ҳужумкор ярим ҳимоячи Клаудио Эчеверри "Байер"даги муваффақиятсиз ижарасидан сўнг муддатидан аввал "Манчестер Сити"га қайтмоқда. Буни Леверкузен жамоаси бош мураббийи Каспер Юльманн тасдиқлади.
"Биз "Манчестер Сити" билан биргаликда Эчеверрини Англияга қайтаришга қарор қилдик. Шунинг учун у ўйин қайдномасида йўқ. Клаудио - ажойиб футболчи, аммо бизда бу позицияда жуда кўп футболчилар бор. Ҳаммага ўйин вақтини бериш қийин", - деди Юльманн журналистларга матбуот анжуманида.
Клаудио Эчеверри "Байер"нинг 11 ўйинида майдонга тушган. Шу билан бирга, фақат учта ҳолатда аргентиналик футболчи дастлабки дақиқалардан ҳаракат қилган.
