"Santos" prezidenti lavozimida ishlab kelayotgan Marselo Teysheyra Neymarning kelajagi haqida gapirdi. Yulduz hujumchining amaldagi shartnomasi 2025 yilning so‘nggi kunida o‘z nihoyasiga yetadi.
"Neymar bilan loyiha - bu 2026 yilgi jahon chempionatiga mo‘ljallangan loyiha. Suhbat hamisha shu haqda bo‘lardi. Neymar istalgan joyga ketishi mumkin edi, ammo "Santos"ga, uyiga qaytishni xohladi. Ehtimol, biz undan ko‘proq foydalanishni kutgandirmiz, lekin bu amalga oshmadi - bunga hech kim aybdor emas.
Muloqot davom etmoqda. Biz raqamlarni va uzaytirish imkoniyatini o‘z shartlarimizga ko‘ra baholamoqdamiz. Umid qilamanki, biz Neymarni klubda saqlab qolish uchun umumiy maxrajni topa olamiz," - dedi Teysheyra ESPN’ga.
Fevral oyida Neymar 34 yoshga to‘ladi.
