"Milan" bosh murabbiyi Massimiliano Allegri braziliyalik himoyachi Tyago Silvaning qaytishi tarafdori edi. Bu haqda SempreMilan xabar berdi.
Manbaga ko‘ra, futbolchining o‘zi yana Italiya klubida o‘ynashga tayyor bo‘lgan, ammo rahbariyat bunga rad javobini bergan. Eslatib o‘tamiz, Silva 2009-2012 yillarda "Milan" sharafini himoya qilgan.
2024 yilning yozidan beri Silva Braziliyaning "Fluminense" jamoasida o‘ynayotgan edi. Ammo bir necha kun oldin 41 yoshli futbolchi Portugaliyaning "Portu" klubi bilan mehnat shartnomasi imzoladi.
Joriy kalendar yilida Silva barcha turnirlarda 46 ta uchrashuvda qatnashib, 4 ta gol urdi va 1 ta golli uzatmani o‘z hisobiga yozdirib qo‘ydi.













