Ispaniyaning "Sevilya" klubi vingeri Ruben Vargas faoliyatini "Lids"da davom ettirishi mumkin.

Manbaga ko‘ra, "Lids" 27 yoshli shveysariyalik futbolchining transferi bo‘yicha "Sevilya"ga taklif berishga tayyorlanmoqda. Angliya premyer-ligasi vakili 20 million yevrolik taklif yuborishi kutilmoqda.

Vargas joriy mavsum Ispaniya chempionatida 12 ta o‘yinda maydonga tushdi va o‘z hisobiga 3 ta gol hamda 4 ta golli uzatma yozdirib qo‘yishga erishdi.

Vargasning "Sevilya" bilan amaldagi mehnat shartnomasi 2029 yilning yarmigacha mo‘ljallangan. Transfermarkt mutaxassislari futbolchining narxini 12 mln yevroga baholamoqda.