Misr terma jamoasi bosh murabbiyi Xossam Hassan "Liverpul"dagi Muhammad Saloh va Arne Slot o‘rtasidagi mojaro haqida gapirdi.
Misrliklar dushanba kuni Afrika Kubogi-2025dagi ilk o‘yinida Zimbabvega qarshi maydonga tushadi.
"Salohning mashg‘ulotlardagi kayfiyati juda yaxshi - go‘yo u terma jamoadagi faoliyatini endi boshlayotgandek. U ajoyib turnir o‘tkazishiga ishonaman. Uning motivasiyasi juda-juda kuchli ekanligini his qilyapman.
Saloh - kumir. U dunyoning eng yaxshi o‘yinchilaridan biri va men uni har bir ishida qo‘llab-quvvatlayman.
U bilan sodir bo‘lgan voqeani inqiroz deb hisoblamayman. Bunday holat futbolchilar va murabbiylar o‘rtasida tez-tez uchrab turadi. Biz u bilan boshidanoq telefon orqali bog‘landik, keyin esa u terma jamoa qarorgohiga kelganida u bilan uchrashdim. Uning butun e’tibori turnirga qaratilgan," - dedi Hassan.
