Миср терма жамоаси бош мураббийи Хоссам Ҳассан "Ливерпуль"даги Муҳаммад Салоҳ ва Арне Слот ўртасидаги можаро ҳақида гапирди.

Мисрликлар душанба куни Африка Кубоги-2025даги илк ўйинида Зимбабвега қарши майдонга тушади.

"Салоҳнинг машғулотлардаги кайфияти жуда яхши - гўё у терма жамоадаги фаолиятини энди бошлаётгандек. У ажойиб турнир ўтказишига ишонаман. Унинг мотивацияси жуда-жуда кучли эканлигини ҳис қиляпман.

Салоҳ - кумир. У дунёнинг энг яхши ўйинчиларидан бири ва мен уни ҳар бир ишида қўллаб-қувватлайман.

У билан содир бўлган воқеани инқироз деб ҳисобламайман. Бундай ҳолат футболчилар ва мураббийлар ўртасида тез-тез учраб туради. Биз у билан бошиданоқ телефон орқали боғландик, кейин эса у терма жамоа қароргоҳига келганида у билан учрашдим. Унинг бутун эътибори турнирга қаратилган," - деди Ҳассан.