OCHL 2 musobaqasining «B» guruhi, 6-tur doirasidagi “Al-Ahli (Qatar) - «Andijon» (O‘zbekiston) o‘rtasidagi o‘yinni iroqlik hakamlar brigadasi boshqaradi.
Bosh hakam vazifasini Zaid Tamer Muhammad bajaradi.
35 yoshli hakam joriy yilgi mavsumda Iroq yulduzlar ligasida 6 ta, OCHL Elit («As-Sadd» - «Sharja» - 1:1) va OCHL 2 da (“Tampines Rovers” - «Poxan» - 1:0) 1 tadan o‘yinlarni boshqargan. Shuningdek, U23 Osiyo Kubogi saralashida (OAE - Eron - 2:3) ham 1 ta o‘yinda hakamlik qildi.
Bosh hakam: Zaid Tamer Muhammad (Iroq)
Yordamchi hakamlar: Haydar Abdulxassan Ali Ulbaydi, Amir Dovud Xusseyn Alvindavi (ikkisi ham Iroq)
Zaxira hakami: Ahmad Kadim Gatea Ristam (Iroq)
Nazoratchi: Hidoyat Mombeni (Eron)
Komissar: Davlatmand Islomov (Tojikiston)
Eslatib o‘tamiz, «Al-Ahli» - «Andijon» uchrashuvi 24 dekabr kuni Toshkent vaqti bilan 21:00 da boshlanadi.













