Ispaniyalik sobiq FIFA referisi Xavyer Estrada Fernandes hakamlik faoliyatida duch kelgan vaziyat haqida gapirdi.
«2009 yilda men Krishtianu Ronalduni maydondan chetlatganman. Shundan keyin qariyb ikki yil davomida «Real Madrid» ishtirokidagi birorta ham o‘yinni boshqarmadim.
Uyga qaytganimdan atigi 10 daqiqa o‘tib, hakamlar qo‘mitasi raisi Sanches Arminyo menga qo‘ng‘iroq qildi. U vaziyat milliy sport OAV sarlavhalariga chiqishidan norozi ekanini bildirdi va bu holat oqibatlarsiz qolmasligiga ishora qildi.
Futbolning ko‘pchilik bilmaydigan yoki bilishni istamaydigan qorong‘i tomoni bor. Ba’zilar undan boshqa maqsadlarda foydalanadi», - dedi 49 yoshli sobiq hakam.
