Испаниялик собиқ ФИФА рефериси Хавьер Эстрада Фернандес ҳакамлик фаолиятида дуч келган вазият ҳақида гапирди.
«2009 йилда мен Криштиану Роналдуни майдондан четлатганман. Шундан кейин қарийб икки йил давомида «Реал Мадрид» иштирокидаги бирорта ҳам ўйинни бошқармадим.
Уйга қайтганимдан атиги 10 дақиқа ўтиб, ҳакамлар қўмитаси раиси Санчес Арминьо менга қўнғироқ қилди. У вазият миллий спорт ОАВ сарлавҳаларига чиқишидан норози эканини билдирди ва бу ҳолат оқибатларсиз қолмаслигига ишора қилди.
Футболнинг кўпчилик билмайдиган ёки билишни истамайдиган қоронғи томони бор. Баъзилар ундан бошқа мақсадларда фойдаланади», - деди 49 ёшли собиқ ҳакам.
