"Fulxem" safida ijara asosida to‘p tepayotgan "Milan" klubi qanot hujumchisi Samuel Chukvueze Italiya chempionatining joriy mavsumida "rossonerilar"ning imkoniyatlari haqida gapirdi.
"Ular chindan ham yaxshi. Agar shu tarzda davom etishsa, skudettoni yutib olishlari mumkin deb o‘ylayman. Ular kuchli to‘rtlikka kirishiga ishonchim komil", - deya futbolchining so‘zlarini keltiradi On Sport.
Ayni paytda Massimiliano Allegri jamoasi A Seriya turnir jadvalida 2-o‘rinda bormoqda. "Milan" 15 tur davomida 32 ochko jamg‘arishga muvaffaq bo‘ldi.













