"Milan" yarimhimoyachisi Adriyen Rabyo jamoasining A Seriya joriy mavsumidagi turnirdagi ambisiyalari haqida gapirdi. "Milan" 15 tur yakunlariga ko‘ra, Italiya chempionati jadvalida 2-o‘rinni egallab turibdi.
"Hozirgidek jamoa bilan chempion bo‘lish qiyin, chunki tarkibda katta g‘alabalar tajribasiga ega futbolchilar kam. Ayniqsa, chempionatdagi sovrinlar uzoq va mashaqqatli yo‘l.
Birinchi to‘rtlikda yakunlash "Milan"ning asosiy vazifasi va biz buni bilamiz. Lekin shaxsan men ko‘proq narsaga intilaman.
"Milan"ning boshqa futbolchilariga chempionlik tafakkuriga ega bo‘lishimiz va imkon qadar yuqoriga sakrashga intilishimiz kerakligini aytaman. Menga o‘xshagan tajribali futbolchilarning vazifasi tajribasi kamroq jamoadoshlariga g‘alaba qozonish qanchalik yoqimli ekanini tushuntirish", - deya Rabyoning so‘zlarini keltiradi La Gazzetta dello Sport.
