"Милан" яримҳимоячиси Адриен Рабьо жамоасининг А Серия жорий мавсумидаги турнирдаги амбициялари ҳақида гапирди. "Милан" 15 тур якунларига кўра, Италия чемпионати жадвалида 2-ўринни эгаллаб турибди.
"Ҳозиргидек жамоа билан чемпион бўлиш қийин, чунки таркибда катта ғалабалар тажрибасига эга футболчилар кам. Айниқса, чемпионатдаги совринлар узоқ ва машаққатли йўл.
Биринчи тўртликда якунлаш "Милан"нинг асосий вазифаси ва биз буни биламиз. Лекин шахсан мен кўпроқ нарсага интиламан.
"Милан"нинг бошқа футболчиларига чемпионлик тафаккурига эга бўлишимиз ва имкон қадар юқорига сакрашга интилишимиз кераклигини айтаман. Менга ўхшаган тажрибали футболчиларнинг вазифаси тажрибаси камроқ жамоадошларига ғалаба қозониш қанчалик ёқимли эканини тушунтириш", - дея Рабьонинг сўзларини келтиради La Gazzetta dello Sport.
