Angliya terma jamoasining sobiq bosh murabbiyi Garet Sautgeyt yaqinda sotib olgan 3 million funt sterling qiymatidagi saroyini ta’mirlashni rejalashtirmoqda.
MatchdayHQ ma’lumotlariga ko‘ra, ushbu saroy «arvohli uy» sifatida tanilgan. Unda ko‘rshapalaklar muhofaza qilinadigan turlari yashaydi, shu sababli ta’mirlash ishlari paytida bu hayvonlar uchun maxsus jihozlangan qafas qurish talab etiladi.
Eslatib o‘tamiz, Garet Sautgeyt 2016-2024 yillarda Angliya terma jamoasiga bosh murabbiylik qilgan. Uning boshqaruvi ostida inglizlar ikki marta - 2020 va 2024 yillarda Yevropa chempionati finaliga chiqishga muvaffaq bo‘lgan. Hozirda mutaxassis ishsiz.













