Англия терма жамоасининг собиқ бош мураббийи Гарет Саутгейт яқинда сотиб олган 3 миллион фунт стерлинг қийматидаги саройини таъмирлашни режалаштирмоқда.

MatchdayHQ маълумотларига кўра, ушбу сарой «арвоҳли уй» сифатида танилган. Унда кўршапалаклар муҳофаза қилинадиган турлари яшайди, шу сабабли таъмирлаш ишлари пайтида бу ҳайвонлар учун махсус жиҳозланган қафас қуриш талаб этилади.

Эслатиб ўтамиз, Гарет Саутгейт 2016-2024 йилларда Англия терма жамоасига бош мураббийлик қилган. Унинг бошқаруви остида инглизлар икки марта - 2020 ва 2024 йилларда Европа чемпионати финалига чиқишга муваффақ бўлган. Ҳозирда мутахассис ишсиз.