Italiyalik sobiq to‘purar Luka Toni Luka Modrichning Italiya chempionatiga o‘tishini 2025 yildagi eng muhim voqea deb hisoblamoqda.
"Modrich - 2025 yilning eng katta xaridi, chunki bu boshqa daraja, bunday futbolchilar og‘zida sigaretasi bilan ham yoshlarga qarshi bemalol o‘ynay oladi. U Saudiya Arabistoniga ketishi, u yerda bir qop pul olishi mumkin edi, lekin pul ishlashdan ko‘ra o‘ynashda davom etishni afzal ko‘rdi," - deya Tonining so‘zlarini keltiradi pianetamilan.it.
O‘tmishda Modrich "Real" klubida to‘p tepgan. U 2018 yilda "Oltin to‘p" sohibi bo‘lgan. O‘shanda Modrich Xorvatiya terma jamoasini jahon chempionati finaliga olib chiqqan edi, ammo bolqonliklar hal qiluvchi bahsda fransuzlarga imkoniyatni boy bergan.
