Италиялик собиқ тўпурар Лука Тони Лука Модричнинг Италия чемпионатига ўтишини 2025 йилдаги энг муҳим воқеа деб ҳисобламоқда.
"Модрич - 2025 йилнинг энг катта хариди, чунки бу бошқа даража, бундай футболчилар оғзида сигаретаси билан ҳам ёшларга қарши бемалол ўйнай олади. У Саудия Арабистонига кетиши, у ерда бир қоп пул олиши мумкин эди, лекин пул ишлашдан кўра ўйнашда давом этишни афзал кўрди," - дея Тонининг сўзларини келтиради pianetamilan.it.
Ўтмишда Модрич "Реал" клубида тўп тепган. У 2018 йилда "Олтин тўп" соҳиби бўлган. Ўшанда Модрич Хорватия терма жамоасини жаҳон чемпионати финалига олиб чиққан эди, аммо болқонликлар ҳал қилувчи баҳсда французларга имкониятни бой берган.
