"Liverpul" va "Vulverxempton" klublarining marhum sobiq yarim himoyachisi Diogu Jotaning farzandlari APLning 18-turidan o‘rin olgan jamoalar o‘rtasidagi o‘yin oldidan o‘tkazilgan marosimda ishtirok etishdi.
Futbolchining farzandlari Dinis va Duarte hamda oilaning boshqa a’zolari futbolchilarni o‘yinga olib chiqishdi. O‘yin Liverpuldagi "Enfild" stadionida bo‘lib o‘tmoqda.
3 iyul kuni Ispaniyada 28 yoshli Jota va uning 25 yoshli ukasi YTHda halok bo‘ldi. Quvib o‘tish vaqtida mashinaning g‘ildiragi yorilib ketgan, shundan so‘ng futbolchi boshqaruvni yo‘qotgan.
Jota "Liverpul" safida 2020 yildan buyon to‘p tepib kelayotgandi. Bungacha u "Vulverxempton," "Atletiko," "Portu" va "Pasush Ferreyra" klublarida o‘ynagan.
