Shanba kuni A Seriya 17-turidan o‘rin olgan "Yuventus" - "Piza" (2:0) bahsida turinliklar g‘alaba qozondi. Mehmonlar 73-daqiqada avtogol evaziga hisobda oldinga chiqib olgan bo‘lsa, hakam tomonidan qo‘shib berilgan vaqtda barcha savollarni Kenan Yildiz olib tashladi va tabloda yakuniy natijani qayd etdi.
Uchrashuvning 60-daqiqasida "byankonerilar" bosh murabbiyi Luchano Spalletti jamoa sardori Manuel Lokatelli zaxiraga oldi. Yarim himoyachi murabbiyning qo‘lini siqib, undan tezkor o‘zgarishni tushuntirib berishni so‘radi, biroq javob olmadi, deb yozadi DAZN. Spalletti futbolchiga ortiqcha savollarsiz darhol zaxira o‘rindig‘iga o‘tirishni buyurdi.
Eslatib o‘tamiz, xavbek maydonni tark etishidan 7 daqiqa oldin sariq kartochka bilan ogohlantirilgandi.













