Avvalroq, Luka Modrich "Milan"ga ketganidan so‘ng, klub kreativ yarim himoyachini sotib olish zarurligini aniq tushunayotgani haqida xabar berilgandi. Klub o‘tgan mavsumdayoq xorvatga o‘rinbosar izlagandi.
Biroq Xabi Alonso jamoasida bu vazifani o‘z zimmasiga olishi mumkin bo‘lgan futbolchilar bor, deb yozadi Marca.
Shunday qilib, yangi murabbiy tavakkal qilgan Arda Gyuler tilga olinadi. Bu mavsumda turkiyalik futbolchi avvalgiga qaraganda ancha ko‘p daqiqa o‘ynadi.
Eduardo Kamavinga asosiy tarkibda o‘yinni boshqarish uchun yana bir nomzod. Taxminlarga ko‘ra, u 2026 yilda yanada muhimroq rol o‘ynashi mumkin.
Federiko Valverde yoki Jud Bellingem kabi hujumkorroq o‘yinchilar ham bor, ularni Xabi pleymeyker sifatida jalb qilishi mumkin. Qayd etilishicha, yangi yilda Jud "Real" o‘yin sxemasiga qaysi rolda ko‘proq mos kelishini hal qilish kerak bo‘ladi.
Shu bilan birga, Marca xabariga ko‘ra, madridliklar yozgi transferlar bo‘yicha qaror qabul qilish uchun mavsumning ikkinchi bosqichida jamoaning ehtiyojlari haqida xulosa chiqarmoqchi.
