Аввалроқ, Лука Модрич "Милан"га кетганидан сўнг, клуб креатив ярим ҳимоячини сотиб олиш зарурлигини аниқ тушунаётгани ҳақида хабар берилганди. Клуб ўтган мавсумдаёқ хорватга ўринбосар излаганди.
Бироқ Хаби Алонсо жамоасида бу вазифани ўз зиммасига олиши мумкин бўлган футболчилар бор, деб ёзади Marca.
Шундай қилиб, янги мураббий таваккал қилган Арда Гюлер тилга олинади. Бу мавсумда туркиялик футболчи аввалгига қараганда анча кўп дақиқа ўйнади.
Эдуардо Камавинга асосий таркибда ўйинни бошқариш учун яна бир номзод. Тахминларга кўра, у 2026 йилда янада муҳимроқ роль ўйнаши мумкин.
Федерико Валверде ёки Жуд Беллингем каби ҳужумкорроқ ўйинчилар ҳам бор, уларни Хаби плеймейкер сифатида жалб қилиши мумкин. Қайд этилишича, янги йилда Жуд "Реал" ўйин схемасига қайси ролда кўпроқ мос келишини ҳал қилиш керак бўлади.
Шу билан бирга, Marca хабарига кўра, мадридликлар ёзги трансферлар бўйича қарор қабул қилиш учун мавсумнинг иккинчи босқичида жамоанинг эҳтиёжлари ҳақида хулоса чиқармоқчи.
