«Barselona» darvozaboni Mark-Andre ter Shtegen «Jirona»ga o‘tishga tobora yaqinlashmoqda. Bu haqda Sport.es nashri xabar bermoqda.

Manba ma’lumotlariga ko‘ra, Kataloniya klubi nemis darvozabonini qo‘lga kiritish uchun barcha imkoniyatlarni ishga solmoqda va bitim muvaffaqiyatli yakunlanishiga ishonch bildirmoqda. «Jirona» ikki klub o‘rtasidagi yaxshi munosabatlar kelishuvni tez orada tugatishga yordam berishini kutmoqda.

Shuningdek, avvalroq OAVda ter Shtegenga «Aston Villa» tomonidan ham qiziqish borligi haqida xabarlar tarqalgan edi. Manbalarga ko‘ra, germaniyalik golkiper boshqa jamoaga o‘tishga qiziqmoqda, chunki u kelajakda bo‘ladigan jahon chempionati oldidan o‘yin amaliyotiga ega bo‘lish va Germaniya terma jamoasidagi o‘rnini mustahkamlashni istamoqda.